深海魚

從前有個情敵像一條深海魚，本來她根本不算得上是情敵，我沒有什麼好跟她搶，搶三折MMM我都不會跟人搶一個男人，搶男人是世上最無聊既事，如果她覺得是我當初將他搶回來的話，我也沒所謂，請記住其實我像個傻仔一直蒙在鼓裏。

我從這個女人身上明白到人不可以貌相，女人要耍手段時是非常恐怖，我不懂玩心計，這些戰爭我從沒有贏過。一個女人扮慘是非常黑我憎可是非常討男人憐憫，男人都是盲的只要有慘女人就會覺得自己需要照料她，就算她說自己被強姦但沒有報警，最後還可以跟強姦她的那個男人拍拖那種扯到不行的理由都相信，你就知道男人有幾蠢。

女人最怕男人什麼 ? 一定是他的 ex，女人眼中所有ex都人魔鬼，信我，無論你男友有多少女性朋友都好，都不要讓他接觸ex，只要下過感情的舊情人，都很容易就會再次挑起情根!

靠痴

我深信那個女人都有種直覺，就算同對方唔熟，你都覺得佢西口西面想大巴大巴升死佢。普遍男人都缺乏這種直覺，女人覺得的姣西通常男人都不以為然。可惜世上總有種傻西駁 Friend 駁到出面，認識較有名的人會令自己變得特別嗎 ? 其實你駁得太出位我由第一天見到你就看得出。

如果有天不小心同場見到你我可能會大巴大巴升死你，你三十幾歲喇，唔好扮cute啦，我真係頂你唔順。 

司馬昭之心，路人皆知。

你當自己 Sasha Pivovarova ? 還是 Gemma Ward ？

我自問衣著沒有特別，有時侯更是 hea 到不能再 hea，我可以素顏街坊打扮上學。
我不怕 hea 人，但我很怕想特出又出唔到位既騎呢怪，老老實實，你有沒有認真想過你的樣貌及身型跟你的打扮是非常地九唔搭八？我這個問題絕非串咀，我覺得大多數人都需要好好去思想這個問題。樣貌是天生，可是衣著可以改變一切，重點在於你先要知道你的樣子屬於那一種類型。

如果你覺得自己天生就是個靚人，身型完美，很有性格，或者樣子甜美，請你先去照鏡，好好確認清楚。有人天生樣子就非常MK，我指令人面目可憎的那一種，可是他們大多都覺得自己很有型，就算穿起Raf Simons，你都只是一個穿Raf Simons 的MK。如果你一身浦look，就算你幾靚，你看起來都只是一個沒有氣質的浦精，很多時侯靠露不等於索。如果你覺得自己很有性格，著埋一堆懶有cutting的衫，加埋一堆完全唔關事既飾物，旁人只會覺得你鬼上身，打算找司徒法正幫你捉邪。要是你明知自己肥，求你不要再穿著迷你裙，我的腸胃不好，我會嘔。自己知自己事，正正常常買一些普通的衫，不要再整蠱造怪，這是會令人十級地反感。有人天生像阿嬸，請你著得年經一點，不要再學人扮成熟，我怕我在巴士會讓座給你。

大紅大紫螢光大花pattern slim cut deep v 閃閃珠片... 

其實你有沒有諗過你係 carry 唔起 D 衫 ?

我希望各位入世未深既小朋友唔好讀設計

當你一不小心踏進了設計之路 , 你會有三種情況出現:

1. 嘜原來要做呢D野!!!?!??!!? 我走 lu !!

2. 要做D唔係我想做既野真係好辛苦 , 不過冇計

3. 設計呢條路岩哂我 

快將畢業的我 , 最後選擇 2 ,我的幻想是做個窮到爆的藝術家 , 請記得 , 這是個幻想 , 搞藝術都需要食飯。

想當年我入世未深, 以為自己中學讀過 Art 就 = 可以讀設計 , Come on ! 設計 =/= 藝術 !!  可能你現在還未醒以為兩件事是相等 , 設計係 for 人 ,  係要諗D野捉到人地條路 , 令人喜歡你的設計 , 會用錢購買。藝術是個人的 , 可以做一些九唔搭八冇人明既野 , 滿足自己表達自己就OK。

當你決定踏進設計之路 , 你會發現再不是中學時期可以唔交功課就唔交 ,  deadline is deadline ,冇人會俾第二次機會你交 , 交唔切冇人會理你 , 你可以去死。請勿想像你可以扭扭擰擰哄下老師就可以遲交!! 當你以為畫下公仔就一份功課就錯哂 , 設計要透過你的思考去變成一種concept, 可能一條線都有意思, 已經不是你想點就點。

要緊記 ! 世界上還有很多傻仔以為讀設計 = 畫公仔, 包括你父母 , 唔駛理佢地 , 正所謂別人笑我太瘋癲 , 我笑他人看不穿。但重點是讀設計用的錢比火燒連環船更快 , 神不知鬼不覺就會燒走幾百 , 兩三日後又燒幾百 , 特別是 fashion design , 一日之間 , 可以燒走幾千...

以我學校的例子來說 , " 嘜原來要做呢D野!!!?!??!!? 我走 lu !!" 是有百份之二十五 , "要做D唔係我想做既野真係好辛苦 , 不過冇計" 是百分之六十五 , 餘下的真係少之又少 , 如果不想破壞"設計"在你心目十的形象 , 還是不要讀。

何老師的話

那位跟我寫信的何老師，說過一番話，我牢牢的記住，直到現在。

「真心幫助別人的話,是不需要告訴其他人，告訴別人的，都不是真心想幫助你，只是想得到讚賞或是一個人情。天上的神會因為你的好與壞決定你死後會否上天堂，每做一件好事，神會記住，但不是真心的，神都會知道」

所謂的神不代表某種宗教