收數要玩 gimmick

話說 , 友人笑笑口話格離屋個問題家庭借大耳窿錢，收數收上門，聽過數次無特別。特別在大耳窿寄出一封人人有份永不落空既信俾全層樓既人 ，內容絕非欠債還錢天公地道之類既過時對聯。

首先信封地址手寫，非常認真體貼，絕非親身放入你信箱個種低能做法，係真正放入郵筒寄信，有埋郵票城實可靠。講番個主角先，內容係一張A4紙，用電腦係男人身上key上骷髏頭，不過黑白印刷，用上紅色 marker 手寫 "xxx還錢"及收屍幾字(格離鄰居借下油鹽就得，幫你收屍有點難)更付上燒焦過既陰司紙兩大張。

宜家收數都要收得有gimmick，我呢D做Design既都唔知點搵食。死火

你諗下，地址/xxx還錢/收屍都係手寫，一層樓都十幾個單位，一張張人手寫，個份熱誠令我感動。仲搵人整埋design 喎大佬！郵寄都要買郵票先啦，咁唔見得光既黑社會都要依靠郵差叔叔一對手，先可以將封信寄俾大家(流淚)。陰司紙都仲要燒一燒個角先送俾你，每個住戶都係兩張，唔多唔少好公平，呢種專業精神，真係好值得尊重。


唔知請唔請人呢？